Oralda júk poıyzy qaǵyp ketken er adam mert boldy

ORAL. KAZINFORM – Oral qalasynda júk poıyzy qaǵyp ketken er adam kóz jumdy. 

QR ІІM Kóliktegi polıtsııa departamentiniń baspasóz qyzmetinen málim etkenindeı, oqıǵa 4 aqpan kúni bolǵan. 

- Atalǵan derek Oral stantsııasyndaǵy jelilik polıtsııa bóliminiń sotqa deıingi tergep-tekserýdiń biryńǵaı tiziliminde QR Qylmystyq kodeksiniń 344-baby 2-bóligine (abaısyzda adam ólimine ákep soqqan temirjol kóligi qozǵalysynyń qaýipsizdik qaǵıdalaryn buzý) sáıkes tirkeldi. Qazirgi ýaqytta atalǵan derek boıynsha tıisti tergeý amaldary júrgizilýde. Ózge aqparat QR Qylmystyq-protsestik kodeksiniń 201-babynyń talaptaryna sáıkes tergeý múddesine oraı jarııa etilmeıdi, - dep habarlady vedomstvodan. 

Atalmysh bap boıynsha aıypty dep tanylǵan adam belgili bir laýazymdardy atqarý nemese belgili bir qyzmetpen aınalysý quqyǵynan úsh jylǵa deıingi merzimge aıyra otyryp nemese onsyz, jeti jylǵa deıingi merzimge bas bostandyǵynan aıyrýǵa jazalanady. 

Eske sala keteıik, budan buryn ushaqta bomba bar dep ázildegen jigittiń ústinen qylmystyq is qozǵalǵanyn jazǵan edik.