Oralda júk kóligine soǵylǵan 6 jasar bala aýyr halde jatyr
ORAL. QazAqparat – Oralda júk kóligine soǵylǵan alty jasar bala aýyr halde jatyr, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń aıtýynsha, oqıǵa 11 sáýir kúni saǵat 13.30 shamasynda Ekinshi baza aýdanynda bolǵan.
«KamAZ» júk kóligi uzyn tirkemesimen burylyp jatqan mezgilde alty jasar bala velosıpedimen artqy dońǵalaǵyna soǵylyp, ushyp ketken. Bala dúkennen kele jatqan.
Oblystyq densaýlyq saqtaý basqarmasynyń naqtylaýynsha, bala qalalyq kópbeıindi aýrýhanaǵa jetkizilgen. Qazir aýyr halde, jansaqtaý bóliminde jatyr.
Eske sala keteıik, budan buryn BQO-da 22 jastaǵy jigittiń kólikpen ózenge batyp ketkenin jazǵan bolatynbyz.
