Oralda júk kóligi jasóspirimdi qaǵyp ketti
ORAL. QazAqparat - Búgin Oralǵa qarasty Jelaev aýylynda júk kóligi jasóspirimdi qaǵyp ketti, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem stansasyna saǵat 11.54-te shaqyrtý túsken.
Saǵat 12.00-de jedel járdem brıgadasy oqıǵa ornyna jetken. 2003 jylǵy jasóspirim ashyq bas-mı jaraqatyn alǵan. Sondaı-aq bassúıek túbegeıi synǵan. Ol qalalyq kópbeıindi aýrýhanasyna jetkizildi. Balalar ýrology, hırýrg, anestezıolog, kardıologtan keńes alynyp, dárigerlik kómek kórsetilýde.
Qazirgi kezde oqıǵanyń jaı-japsary anyqtalýda.
