Oralda JShS qyzmetkeri áriptesin uryp óltirgen
ORAL. QazAqparat - Oral qalasynda bir iri JShS ǵımaratynda kisi óltirý oqıǵasy oryn aldy, dep habarlaıdy QazAqparat tilshisi.
Oral qalasy polıtsııa basqarmasynyń baspasóz qyzmetinen alynǵan málimetke qaraǵanda, 30 naýryz kúni shamamen saǵat 14.50-de er adamnyń múrdesi tabylǵany jóninde málimet túsken. Jedel izdestirý sharalary barysynda osy JShS qyzmetkerleri men kúdiktiler tekserildi. Polıtsııa qyzmetkerleri bir kúnniń ishinde kúdiktini anyqtady.
Málim bolǵandaı, sol JShS-da birge jumys jasaıtyn 1981 jáne 1961 jylǵy eki azamat birge araq ishken. Sonyń barysynda aralarynda janjal týyndaǵan. 58 jasar kúdikti áriptesin aıamaı, soqqyǵa jyqqan. Saldarynan 38 jasar azamat oqıǵa ornynda qaza tapqan. Qylmysyn jasyrý maqsatymen kúdikti marqumnyń denesin bir bólmege tyǵyp tastaǵan. Jıyrma kúndeı ýaqyt ótkennen keıin qyzmetkerler múrdeniń ıisin sezip, sodan tabylǵan.
«Qazirgi ýaqytta qylmysyn moıyndaǵan kúdikti ýaqytsha oqshaýlaý ızolıatorynda otyr. Tergeý amaldary júrgizilýde», dep habarlady QazAqparat tilshisine polıtsııa basqarmasynyń baspasóz qyzmetinen.
