Oralda jóndeýge baılanysty kóshe men avtokópir jabyldy

ORAL. KAZINFORM — Oral qalasynda jol jóndeýge baılanysty kóshe men «Omega» zaýyty aýdanyndaǵy avtokópir jabyldy.

Oral qalasy ákimdiginen málim etkenindeı, A.Taımanov kóshesinde 18 shildeden bastap 22-sine deıin M.Mámetova kóshesinen H.Esenjanov kóshesine deıingi jol bóligin jóndeý josparlanýda. 

«Soǵan baılanysty joldyń atalǵan bóligi men kópir avtokólikter, sonyń ishinde qoǵamdyq kólik qozǵalysy úshin ýaqytsha jabyldy. Qoǵamdyq kólikter N.Chýrıkov kóshesi, D.Karbyshev kóshesi, Depo aýdanyndaǵy avtokópir, Á.Moldaǵulova kóshesi arqyly ýaqytsha qatynaıtyn bolady. Bıyl qala kóshelerinde ortasha jóndeý boıynsha 6 joba aıaqtalǵan. Úsheýinde jumys júrgizilip jatyr. Kóshe joldaryn jóndeý isi qalaǵa qarasty Zachagan jáne Derkól kentterinde de atqarylýda», dep habarlady vedomstvodan. 

Eske sala keteıik, budan buryn Oral qalasynyń bir bóliginde gaz berý ýaqytsha toqtatylatynyn jazǵan bolatynbyz.