Oralda joldyń qarsy betine shyǵyp ketken 80-ge jýyq júrgizýshi kýáliginen aıyryldy
ORAL. QazAqparat - Oralda joldyń qarsy betine shyqqany úshin 80-ge jýyq júrgizýshi kýáliginen aıyryldy, dep habarlaıdy QazAqparat tilshisi.
BQO sotynyń baspasóz qyzmetinen túsken málimetke qaraǵanda, joldyń qarsy betine shyqqany nemese keri burylǵany úshin júrgizýshiler QR Ákimshilik quqyqbuzýshylyq kodeksi 596-baby 4-bóligine sáıkes alty aı merzimge kólik quralyn basqarý quqyǵynan aıyrylady.
Oral qalasy mamandandyrylǵan ákimshilik sotynyń sheshimimen jyl basynan beri 79 júrgizýshi osyndaı jaýapkershilikke tartyldy.
Eger osyndaı quqyqbuzýshylyqty qaıtadan jasasa, 50 AEK kóleminde aıyppul salynady.
Oral qalalyq ishki ister basqarmasy jergilikti polıtsııa qyzmetiniń aǵa ınspektory, polıtsııa maıory Dınara Ábdilqalyqovanyń aıtýynsha, shaharda bıylǵy bes aıda 38 jol-kólik oqıǵasy bolyp, sonyń saldarynan 10 adam qaza tapqan. 41 adam túrli jaraqat aldy.
Oblys boıynsha bes aıdaǵy jol apattarynyń sany 98-ge jetip, 31 adam kóz jumdy. 111-i jaraqattandy.
Joldyń qarsy betine shyǵyp ketý de apatty oqıǵalarǵa aparyp soqtyratyny belgili.
