Oralda joldyń qarsy betine shyǵyp ketken 22 júrgizýshi kýáliginen aıyryldy
ORAL. QazAqparat - Oral qalasynda joldyń qarsy betine shyǵyp ketken 22 júrgizýshi kýáliginen aıyryldy, dep habarlaıdy QazAqparat tilshisi.
Oral qalasy mamandandyrylǵan ákimshilik sotynan túsken málimetke qaraǵanda, atalǵan júrgizýshiler burylǵan jáne keri aınalǵan kezde joldyń qarsy betine shyǵyp ketip, jol qozǵalysy erejesin buzǵan.
QR Ákimshilik quqyqbuzýshylyq kodeksi 596-baby 4-bóligine sáıkes mundaı quqyqbuzýshylyq alty aıǵa kólik quralyn basqarý quqyǵynan aıyrýǵa ákep soǵady. Júrgizýshilerge mundaı qadamǵa ekinshi ret barsa, 50 AEK kóleminde aıyppul salynatyny eskertildi.
Aıta keteıik, óńirde joldyń qarsy betine shyǵyp ketýden jol-kólik oqıǵalary az bolyp jatqan joq.
