Oralda jolaýshylar poıyzy er adamdy qaǵyp ketti
ІІM Kóliktegi polıtsııa departamentiniń baspasóz qyzmetinen málim etkendeı, oqıǵa Jelaev-Oral ótkeliniń 126-shaqyrymynda boldy. Er adam oqıǵa ornynda sol boıda kóz jumdy.
«28 mamyr kúni atalǵan derek boıynsha Oral stantsııasyndaǵy jelilik polıtsııa bóliminde QK 344-baby 2-bóligine (abaısyzda adam ólimine ákep soqqan temirjol kóligi qozǵalysynyń qaýipsizdik qaǵıdalaryn buzý) sáıkes sotqa deıingi tergeý amaldary bastaldy. Qazirgi kezde qajetti tergeý amaldary júrgizilýde. Ózge aqparat Qylmystyq is júrgizý kodeksiniń 201-babynyń talaptaryna sáıkes tergeý múddesine oraı jarııalaýǵa jatpaıdy», - dep habarlady vedomstvodan.
BQO densaýlyq saqtaý basqarmasynyń baspasóz qyzmeti jedel járdemge shaqyrtýdyń saǵat 09.50-de túskenin jetkizdi.
Eske sala keteıik, budan buryn Atyraý oblysynda jolaýshylar poıyzynyń mototsıkl mingen er adamdy qaǵyp ketkenin jazǵan bolatynbyz.