Oralda jolaýshylar avtobýsy jaıaý júrginshini qaǵyp ketti

ORAL. QazAqparat - Oralda jolaýshylar avtobýsy jaıaý júrginshini qaǵyp ketti, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa búgin shamamen saǵat 09.00-de Jáńgir han kóshesi boıynda boldy.

Ekinshi baǵytpen júretin avtobýs júrgizýshisi turǵan avtobýsty basyp ozamyn dep 21 jastaǵy jigitti qaǵyp ketti.

Qazirgi kezde oqıǵanyń jaı-japsary anyqtalý ústinde.

Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, aldyn ala dıagnoz boıynsha jas jigit bas pen mıdyń jaraqatyn alyp, mıy shaıqalǵan. Sondaı-aq sol jaq tobyǵy synǵan. Ol oblystyq aýrýhanaǵa jetkizildi.