Oralda jolaýshy tasymalymen zańsyz aınalysqan sheteldik azamat elden shyǵaryldy

ORAL. KAZINFORM — Batys Qazaqstan oblysynda 11-14 naýryz aralyǵynda ótip jatqan «Mıgrant» respýblıkalyq jedel aldyn alý is-sharasy barysynda bir kúnde 29 sheteldik azamat ákimshilik jaýapkershilikke tartyldy.

BQO polıtsııa departamentiniń baspasóz qyzmetinen málim etkenindeı, olardyń bári Qazaqstanda bolý erejesin buzǵan.

Sonyń ishinde segizi májbúrli túrde elden shyǵaryldy. Sondaı-aq izdestirilýde júrgen 2 kúdikti ustaldy. 

— Oral qalasy polıtsııa basqarmasy kóshi-qon qyzmeti bóliminiń ınspektorlary kóshi-qon zańnamasyn buzý deregin anyqtady. Atap aıtqanda, 34 jastaǵy sheteldik azamat óziniń Chevrolet Lacetti avtokóligimen Oral qalasy aýmaǵynda jolaýshy tasymaldaýmen zańsyz aınalysqan. Taksı qyzmetin mobıldik qosymsha arqyly kórsetken. Oǵan qatysty QR Ákimshilik quqyq buzýshylyq týraly kodeksi 517-baby 5-bóligine sáıkes hattama toltyryldy. Sot sheshimimen sheteldik azamat elden shyǵaryldy, — dep habarlady vedomstvodan.

Eske sala keteıik, budan buryn BQO-da aýyl turǵyny úıinde esirtki zerthanasyn jasaǵanyn jazǵan bolatynbyz.