Oralda jol shurq-tesik, avtokólik dońǵalaqtary jarylyp jatyr – ákimdik jaýaby
Áleýmettik jelide taralǵan beınejazbada 9 avtokóliktiń dońǵalaǵy jarylǵany sanalǵan.
Oral qalasy ákiminiń baspasóz qyzmetinen málim etkenindeı, atalmysh jol M.Sholohov kóshesiniń jóndelmegen bóligine keledi.
«M.Sholohov kóshesindegi joldy kúrdeli jóndeý jumysy bıylǵy mamyrda bastaldy. Joldyń jalpy uzyndyǵy – 4,6 shaqyrym. Jumys úsh kezeńge bólingen. Qazirgi kezde birinshi ýchaske – Syrym Datulynan S.Tıýlenın kóshesine deıingi aralyqta asfalt tóseý jumystary aıaqtalyp keledi. Quny 4,2 mlrd teńgeni quraıtyn joba eki jylǵa eseptelgen, ıaǵnı aldaǵy jyly aıaqtalady. Joldy tórt jolaqtan alty jolaqqa deıin keńeıtý kózdelýde. Jaıaý júrginshi joly salynyp, kóshe tolyqtaı jaraqtandyrylady. Merdiger mekeme – «Adal arna» JShS», dep habarlady vedomstvodan.
Eske sala keteıik, budan buryn Oralda jańbyr saldarynan kópqabatty úılerdiń jertólesine sý kirgenin jazǵan bolatynbyz.