Oralda jol-kólik oqıǵalary jıilep ketip otyr
ORAL. QazAqparat - Oral qalasynda jol-kólik oqıǵalary jıilep ketip otyr, dep habarlaıdy «QazAqparat» HAA tilshisi.
Oral qalalyq ishki ister basqarmasynyń baspasóz qyzmetinen túsken málimetke qaraǵanda, bıylǵy eki aıdyń ózinde oblys ortalyǵynda osyndaı 32 derek tirkelip, sonyń saldarynan 2 adam qaza taýyp, 32-si túrli jaraqat aldy. Ótken jylǵy osy merzimde 22 jol-kólik oqıǵasynan 3 adam mert bolyp, 31-i jaraqat alǵan edi.
Eske sala keteıik, 8 naýryz kúni saǵat 15.00-de Zelenov aýdany Mıchýrın aýylynyń 1960 jylǵy turǵyny №5 baǵytta qatynaıtyn «Mersedes Bents» avtobýsymen Oraldaǵy Sholohov kóshesi boıynda «Plastık» aıaldamasyna qarsy bette eki adamdy qaǵyp ketken bolatyn. Sonyń saldarynan er adam oblystyq aýrýhananyń jansaqtaý bóliminde kóz jumsa, ekinshisi №6 hırýrgııalyq bólimshesine jatqyzyldy. Olardyń joldy kesip ótýge bolmaıtyn tusta ótip bara jatyp, kólikke soǵylǵany anyqtaldy.
Qazirgi kezde atalǵan derek boıynsha QR QK 345-baby 3-bólimine (kólik quraldaryn júrgizýshi adamdardyń jol qozǵalysy nemese kólik quraldaryn paıdalaný erejesin buzýy) sáıkes tergeý amaldary júrgizilýde.
Sońǵy kezde kólikke baılanysty qylmystyq oqıǵalar da tirkelýde. Mysaly, 4 naýryz kúni Oral qalalyq ishki ister basqarmasy jol-patrýldik polıtsııa batalonynyń qyzmetkerleri Eýrazııa dańǵyly boıynda «Folksvagen Passat» avtokóligin toqtatyp, teksergen kezde 1960 jylǵy kólik ıesiniń jalǵan nómir taǵyp, emin-erkin júrgendigi belgili boldy. Kúdiktiden eshqaıda ketpeý týraly qolhat alynyp, QR QK 386-baby 1-bólimine sáıkes tergeý júrgizilýde. Sol sekildi 8 naýryz kúni 1988 jylǵy S. degen azamatqa tıesili «Folksvagen Passat» avtokóligin Depovskaıa kóshesi boıyndaǵy úılerdiń biriniń aýlasynan belgisiz bireýler aıdap ketken. Jedel izdestirý sharalary nátıjesinde 1991 jylǵy kúdikti ustalyp, eshqaıda ketpeıtini jóninde qolhat alyndy. Óz kinásin moıyndaǵan onyń da ústinen qylmystyq is qozǵalyp, tergeý amaldary jalǵasýda.
