Oralda jol erejesin 53 ret buzǵan júrgizýshige 1,3 mln teńge aıyppul salyndy

ORAL. KAZINFORM – Oral qalasynda 21 jastaǵy júrgizýshiniń jol erejesin 53 ret buzǵany belgili boldy. 

BQO polıtsııa departamentiniń baspasóz qyzmetinen málim etkenindeı, 6 tamyz kúni Oral qalasy polıtsııa basqarmasy patrýldik polıtsııa batalonynyń qyzmetkerleri Suncar Smart Qorgau júıesi arqyly jyldamdyqty birneshe ret arttyrǵan «Hyundai» avtokóligin anyqtap, jaýapqa tartty.

«Tekserý kezinde 21 jastaǵy júrgizýshiniń oblys ortalyǵynyń kóshelerinde 53 ret jol erejesin buzǵany anyqtaldy. Quqyq buzýshylyq negizinen jyldamdyq rejıminen asyp ketýge baılanysty boldy. Aıyppuldyń jalpy somasy 1 mln 300 myń teńgege jetti. Aıta ketý kerek, júrgizýshi aıyppul somasynyń 50 paıyzyn tólep, qaryzdy jeńildetilgen tártippen óteýge quqyly. Qazirgi ýaqytta avtokólik arnaıy avtoturaqqa qamaldy», - dep habarlady vedomstvodan.

Eske sala keteıik, budan buryn Oralda kópir jóndeý kezinde 47 jastaǵy júrgizýshiniń ózenge qulap qaıtys bolǵanyn jazǵan edik.