Oralda jol apatynan júrgizýshi kóz jumdy
ORAL. QazAqparat - 20 tamyz kúni tańǵy saǵat 06.00 shamasynda 1996 jylǵy áskerı qyzmetshi «Lada Kalına» avtokóligimen Podstepnyı-Melovye gorkı baǵytyndaǵy jolmen kele jatyp, rýlge ıe bola almaı, Jaıyq ózeninen ótetin kópirdiń qorshaýyna soǵylǵan, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, júrgizýshi oqıǵa ornynda kóz jumǵan. Avtokólikte otyrǵan 1977 jylǵy er adam men 1972 jylǵy azamatsha túrli jaraqatpen oblystyq klınıkalyq aýrýhanaǵa jetkizildi.
Atalǵan oqıǵa boıynsha QR QK 345-baby 1-bóligine sáıkes qylmystyq is qozǵalyp, tergeý amaldary júrgizilýde.
