Oralda jol apatynan jeti bala zardap shegip, 16 jasar qyz jansaqtaý bólimine jatqyzyldy
BQO polıtsııa departamentiniń baspasóz qyzmetinen málim etkendeı, oqıǵa 12 shilde kúni Zachagan kentinde Saratov tas joly men E.Brýsılovskıı kóshesiniń qıylysynda boldy.
«Shamamen saǵat 17.15-te 1991 jylǵy júrgizýshi «Lada Granta» avtokóligimen kele jatyp, jol qozǵalysy erejesin qamtamasyz etpegen. Sodan 1989 jylǵy júrgizýshi aıdap kele jatqan «Lada Largýs» avtokóligine jol bermeı, soqtyǵysqan. Jol apaty saldarynan «Lada Largýs» avtokóliginiń júrgizýshisi jáne 1989, 1993 jylǵy jolaýshylary oblystyq kópbeıindi aýrýhanaǵa jetkizildi. Oǵan qosa osy avtokólikte otyrǵan 2010, 2011, 2013, 2015, 2017, 2020 jáne 2021 jylǵy balalar oblystyq kópbeıindi balalar aýrýhanasynda. Qazirgi kezde QR QK 345-babyna sáıkes sotqa deıingi tergeý amaldary júrip jatyr» dep habarlady vedomstvodan.
BQO densaýlyq saqtaý basqarmasy baspasóz qyzmetiniń habarlaýynsha, sol kúni saǵat 17.45-te jedel járdem brıgadasymen jeti bala oblystyq balalar aýrýhanasyna jetkizildi.
Dáriger mamandar qarap, rentgenografııa, zerthanalyq zertteýler jáne búkil qajetti tekserý júrgizgen. 2017 jylǵy qyz jansaqtaý bólimine jatqyzyldy.
Qalǵandaryna qajetti kómek kórsetilip, ambýlatorııalyq emdeýge jiberildi.
Oblystyq aýrýhanaǵa jetkizilgen 1988 jylǵy áıel - neırohırýrgııa, 1989 jylǵy er adam - travmatologııa bólimshesine jatqyzyldy. Jaǵdaılary ortasha aýyr.
Eske sala keteıik, budan buryn Batys Qazaqstanda júrgizýshi 51 jastaǵy áıeldi qaǵyp, qashyp ketkenin jazǵan bolatynbyz.
