Oralda jol apatynan úsh jasóspirim zardap shekti
ORAL. QazAqparat - Oral qalasynda jol apatynan úsh jasóspirim jaraqat aldy, dep habarlaıdy QazAqparat tilshisi.
Oqıǵa keshe saǵat 22.00-ler shamasynda Zachagan kentindegi Jáńgir han kóshesi boıynda oryn aldy.
«VAZ-2114» kóligi qorshaýǵa soǵylǵan.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, qazirgi kezde 2002 jáne 2004 jylǵy eki jasóspirim qalalyq kópbeıindi aýrýhanada. 2002 jylǵy taǵy bir jasóspirim oblystyq balalar aýrýhanasyna joldandy. Úsheýiniń de jaǵdaıy aýyr emes.
BQO polıtsııa departamentiniń baspasóz qyzmeti aqparattyń keıin beriletinin jetkizdi.
