Oralda jol apatynan tórt adam jaraqattandy, onyń ekeýi - balalar
ORAL. QazAqparat - Oral qalasynda jeńil kólikterdiń soqtyǵysýynan tórt adam zardap shekti, onyń ekeýi - balalar, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa keshe shamamen saǵat 21.42-de Qurmanǵazy men M.Yqsanov kósheleriniń qıylysynda boldy.
«VAZ-2115» avtokóliginiń júrgizýshisi baǵdarshamnyń tyıym salynǵan belgisine qaramastan, júıitkigen kúıi «Toıotamen» soqtyǵysqan.
Saldarynan «VAZ-2115» júrgizýshisi men sol avtokólikte otyrǵan jolaýshylar jaraqat aldy.
«Qazirgi kezde jol erejesin buzǵan júrgizýshi aýrýhanada jatyr. Shyqqannan keıin ol ákimshilik jazaǵa tartylatyn bolady», - dep habarlady QazAqparat tilshisine Polıtsııa departamentiniń baspasóz qyzmetinen.
Oblystyq Densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem oqıǵa ornyna 21.49-da shaqyryldy. Brıgada 21.54-te jetken.
«Oblystyq kópbeıindi aýrýhanaǵa 1987 jylǵy er adam, 1970 jylǵy áıel jáne 2015, 2016 jylǵy balalar jetkizildi. Er adam hırýrgııalyq bólimshege jatqyzylsa, qalǵandary ambýlatorlyq em alýǵa jiberildi», - dedi A.Saqposynova.
