Oralda jol apatynan taǵy bir júrgizýshi kóz jumdy
ORAL. QazAqparat - Z qyrkúıek kúni shamamen saǵat 18.30-da Oral-Atyraý jolynyń 10-shaqyrymynda jol-kólik oqıǵasy oryn aldy, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, 1963 jylǵy júrgizýshi Jeltaý (Svıstýn gora) mańynda «GAZel» avtokóliginiń rýline ıe bola almaı, qarsy betke shyǵyp ketip, «KamAZ» kóligimen soqtyǵysýǵa jol bergen. «GAZel» kóliginiń júrgizýshisi jedel járdem kelgenshe, oqıǵa ornynda kóz jumǵan.
Oblystyq densaýlyq saqtaý basqarmasy basshysynyń orynbasary Nurdanat Berkinǵalıdyń aıtýynsha, «GAZel» atokóliginde bolǵan, basynan jaraqat alyp, mıy shaıqalǵan 1971 jylǵy áıel oblystyq klınıkalyq aýrýhanaǵa jetkizilgen. Qazir onyń jaǵdaıy ortasha aýyr dárejede. Zardap shekken úshinshi adam aýrýhanaǵa jatýdan bas tartqan.
Osy oqıǵaǵa baılanysty QR QK 345-baby 3-bóligine qatysty tergeý amaldary júrgizilýde.
Eske sala keteıik, budan buryn, 20 tamyz kúni tańǵy saǵat 06.00 shamasynda 1996 jylǵy áskerı qyzmetshi Oral qalasy aýmaǵynda «Lada Kalına» avtokóligimen Podstepnyı-Melovye gorkı baǵytyndaǵy jolmen kele jatyp, rýlge ıe bola almaı, Jaıyq ózeninen ótetin kópirdiń qorshaýyna soǵylyp, qaza tapqan bolatyn.
