Oralda jol apatynan polıtsııa qyzmetkeri jaraqat aldy
ORAL. QazAqparat – Oralda jol apatynan polıtsııa qyzmetkeri jaraqat aldy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz qyzmeti málim etkenindeı, oqıǵa 12 qazan kúni keshkisin N.Nazarbaev dańǵyly men M.Yqsanov kóshesiniń qıylysynda boldy.
Jedel járdem saǵat 21.25-te shaqyryldy.
«Nıva» avtokóligi patrýldik avtokólikpen soqtyǵysty. Sonyń saldarynan polıtsııa qyzmetkeri túrli jaraqatpen qalalyq kópbeıindi aýrýhanaǵa jetkizildi. Onyń muryn arqashyǵynyń qyry kógergen, moıynomyrtqa bóligine zaqym kelgen. Sondaı-aq toǵyzynshy qabyrǵasy synǵan.
Polıtsııa qyzmetkerine medıtsınalyq járdem kórsetilip, ambýlatorlyq em alý usynyldy.
Qazirgi kezde oqıǵanyń jaı-japsary anyqtalý ústinde.
Eske sala keteıik, budan buryn BQO-da eki avtokólik soqtyǵysyp, úsh adamnyń zardap shekkenin jazǵan bolatynbyz.
