Oralda jol apatynan keıin skýter júrgizýshisi aýrýhanaǵa jetkizildi
ORAL. QazAqparat - Oralda 3 shilde kúni shamamen 16 saǵat 15 mınýtta 1998 jylǵy M. degen júrgizýshi «Audi B4» kóligimen Saraıshyq kóshesimen kele jatyp, baǵdarshamnyń júrýge tyıym salǵan belgisine qaramastan, Muhıt kóshesi boıymen ótip bara jatqan skýtermen soqtyǵysýǵa jol bergen, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, sonyń saldarynan skýterdiń 1973 jylǵy L. degen júrgizýshisi bas-mı jaraqatymen oblystyq aýrýhanaǵa jetkizilip, jansaqtaý bólimine jatqyzylǵan.
Qazirgi kezde atalǵan derek QR QK 345-baby 2-bóligine sáıkes sotqa deıingi tergep-tekserýdiń biryńǵaı tizilimine tirkelip, tergeý amaldary júrgizilýde.
