Oralda jol apatynan keıin 2 kishkentaı qyz bala aýrýhanaǵa jetkizildi
ORAL. QazAqparat – Oralda jol-kólik oqıǵasynan keıin 2 kishkentaı qyz bala aýrýhanaǵa jetkizildi, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa 14 sáýir kúni shamamen saǵat 08.10-da Ǵ.Qurmanǵalıev pen Chýıkov kósheleriniń qıylysynda boldy.
«Lada Granta» jáne «Mazda» avtokólikteriniń qatysýymen jol apaty boldy.
Sonyń saldarynan «Lada Granta» avtokóliginde otyrǵan 2008 jáne 2011 jylǵy qyzdar túrli dene jaraqattarymen aýrýhanaǵa jetkizildi.
«Qazirgi ýaqytta polıtsııa qyzmetkerleri oqıǵanyń mán-jaıyn anyqtaýda. Jábirlenýshilerdiń naqty dıagnozy anyqtalǵannan keıin quqyqtyq baǵa beriletin bolady», dedi QazAqparat tilshisine B.Belgibekov.
Eske sala keteıik, budan buryn Batys Qazaqstanda 10 tonnadaı júk tıelgen avtokólik órtenip ketkenin jazǵan bolatynbyz.
