Oralda jol apatynan eki bala men eki adam zardap shekti
ASTANA. QazAqparat - Oralda eki kólik betpe-bet soqtyǵysyp qaldy. 31 qańtarda saǵat 21-30-da bolǵan jol apatynda birneshe adam zardap shekti, dep habarlaıdy QazAqparat «Moı GOROD» portalyna silteme jasap.
«Reno Daster» júrgizýshisiniń aıtýynsha, ol Chagan-Naberejnoı kóshesimen «Jazıra» shaǵyn aýdanyna qaraı bara jatqan.
«Men Chagan-Naberejnoı kóshesimen «Jazıraǵa» baǵytta, al «Aýdı» qarsy bette kele jatty. Keıin kórgenderdiń aıtýynsha, ol baǵdarshamnyń qyzyl túsine ótip ketken», - deıdi «Reno Daster» júrgizýshisi.
Oqıǵa ornyna kelip jetken jedel járdem kóligi «Aýdı» júrgizýshisi men balaly kelinshekti, sondaı-aq «Renoda» bolǵan balany alyp ketti.
Qazir oqıǵa ornynda tártip saqshylary jumys isteýde.
Medet Mediresovtiń fotosy
