Oralda jol apatynan eki adam kóz jumdy

ORAL. QazAqparat - Oralda eki avtokólik soqtyǵysyp, eki adam kóz jumdy, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa búgin shamamen saǵat 16.15-te Abaı dańǵyly boıynda bolǵan.

«Toıota» ortalyǵy tusynda «Mersedes» pen «Lada Prıora» avtokólikteri túıisti.

Sonyń saldarynan «Lada Prıora» avtokóliginiń 36 jastaǵy júrgizýshisi men 21 jastaǵy jolaýshy áıel qaza tapqan.

Qazirgi kezde QR QK 345-baby 4-bóligine sáıkes sotqa deıingi tergeý amaldary júrgizilip jatyr.

BQO polıtsııa departamenti júrgizýshilerge jol erejesin buzbaý kerektigin eske salady.

BQO densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem saǵat 17.05-te shaqyryldy.

22 jastaǵy jigit medıtsınalyq kómekten bas tartty.

Eske sala keteıik, budan buryn KamAZ ben jeńil kóliktiń soqtyǵysqanyn jazǵan bolatynbyz.