Oralda jol apatynan bir jasar sábı mert boldy
ORAL. QazAqparat – Oralda qos avtokólik soqtyǵysyp, bir jasar sábı mert boldy, dep habarlaıdy QazAqparat tilshisi.
Oblystyq Polıtsııa departamentiniń baspasóz qyzmetinen túsken málimetke qaraǵanda, oqıǵa 25 qyrkúıek kúni N.Nazarbaev dańǵyly men Saraıshyq kóshesiniń qıylysynda boldy.
Saǵat 05.00-de 29 jastaǵy júrgizýshi «VAZ-21115» avtokóligimen kele jatyp, 35 jastaǵy júrgizýshi tizgindegen «Mercedes-Benz» kóligimen soqtyǵysýǵa jol bergen.
Sonyń saldarynan «VAZ-21115» mashınasynda otyrǵan bir jasar sábı oblystyq kópbeıindi aýrýhanaǵa jetkizilgenimen, kóp uzamaı jansaqtaý bóliminde kóz jumdy. Sol avtokóliktegi taǵy bir jolaýshy, 23 jastaǵy jigit atalǵan aýrýhananyń jansaqtaý bólimine jatqyzyldy.
Oqıǵa boıynsha birqatar saraptama taǵaıyndalyp, QR QK-niń 345-baby 3-bóligine sáıkes sotqa deıingi tergeý amaldary júrgizilýde.
