Oralda jol apatynan bes adam jaraqat aldy
ORAL. QazAqparat – Oralda qos avtokólik soqtyǵysyp, bes adam jaraqat aldy, onyń ekeýi – 4 jasar balalar, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa búgin túnde Zachagan kentinde oryn aldy.
Saǵat 02.20-da «Folksvagen» avtokóligi júrgizýshisiniń jol-kólik oqıǵasyn jasap, boı tasalaǵany jóninde habar túsken.
Avtokólikti ustaýǵa Oral qalasy polıtsııa basqarmasy patrýldik polıtsııa batalonynyń jeke quramy jumyldyryldy.
On mınýttan keıin avtokólik qolǵa tústi. Onyń ishindegi 1994, 1995 jáne 1996 jylǵy jastar saraptama qorytyndysyna sáıkes orta dárejeli mas kúıinde bolǵan.
Atalmysh avtokólik júrgizýshisi Jáńgir han kóshesinde jol qozǵalysy qaýipsizdigin qamtamasyz etpeı, 1997 jylǵy turǵyn aıdap kele jatqan «VAZ-2114» avtokóligimen soqtyǵysýǵa jol bergen.
Sonyń saldarynan «VAZ-2114» avtokóligindegi 1988 jáne 1996 jylǵy áıelder, 2016 jylǵy eki bala, 1990 jylǵy er adam túrli jaraqatpen aýrýhanaǵa jetkizildi.
Qazirgi kezde QR QK 345-1-baby 1-bóligine (alkogoldik, esirtkilik jáne (nemese) ýytqumarlyq masań kúıde kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) sáıkes tergeý amaldary júrgizilýde.
Polıtsııa qyzmetkerleri jol-kólik oqıǵasy bolǵan sátte rýlde kim bolǵandyǵyn anyqtaýda.
