Oralda jol apatynan bes adam zardap shekti
BQO polıtsııa departamentiniń baspasóz qyzmeti málim etkenindeı, oqıǵa 15 qarasha kúni keshkisin Zachagan kentinde Oral-Saratov tasjoly boıynda boldy.
«Altyndar» dúkeni mańynda KIA men «GAZ-53» avtokólikteri soqtyǵysty.
Sonyń saldarynan túrli jaraqat alǵan 1 áıel, 4 er adam aýrýhanaǵa jetkizildi.
Oqıǵa ornynda polıtsııa qyzmetkerleri jumys istedi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, jedel járdem saǵat 18.59-da shaqyryldy.
Aldyn ala málimet boıynsha qalalyq kópbeıindi aýrýhanaǵa jetkizilgen 30 jastaǵy er adam bas pen mıdyń jabyq jaraqatyn aldy. 30 jastaǵy áıel keýdesinen soqqy alǵan. 25 jastaǵy jigit bas pen mıdyń jabyq jaraqatyna qosa tobyǵyn soqqan. 31 jastaǵy er adamnyń bas pen mıdyń jabyq jaraqatyna qosa mańdaıyn shyny kesken. 59 jastaǵy er adamnyń bas pen mıdyń jabyq jaraqatyna qosa tobyǵy synǵan.
Eske sala keteıik, budan buryn Oralda úsh avtokólik soqtyǵysyp, eki adamnyń jaraqat alǵanyn jazǵan bolatynbyz.