Oralda jol apatynan 34 jastaǵy mototsıklshi kóz jumdy

ORAL. QazAqparat – Oral qalasynda «Lada Kalına» men mototsıkl soqtyǵysty, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkendeı, oqıǵa 16 maýsymǵa qaraǵan túni saǵat 23.50-de Samara-Shymkent avtojolynda Terekti aýdany Podstepnyı aýyly baǵytynda boldy.

«Polıtsııa beketine jetpeı bolǵan jol apatynan mototsıkldiń 1988 jylǵy júrgizýshisi oqıǵa ornynda kóz jumdy. Jeńil kóliktiń 1977 jylǵy júrgizýshisi túrli dene jaraqattarymen jáne súıek synyqtarymen aýrýhanaǵa jetkizildi. Qazirgi kezde atalǵan derek boıynsha QR QK 345-baby 3-bóligine sáıkes sotqa deıingi tergeý amaldary júrgizilýde», dep habarlady vedomstvodan.

Kólikterdiń qandaı jyldamdyqpen júrgeni, basqa da mán-jaı tergeý barysynda anyqtalady.

BQO densaýlyq saqtaý basqarmasy baspasóz qyzmetiniń naqtylaýynsha, oblystyq kópbeıindi aýrýhanaǵa jetkizilgen 1977 jylǵy er adamnyń aldyn ala dıagnoz boıynsha omyrtqasy synǵan.

Eske sala keteıik, budan buryn Oralda avtobýs pen jeńil kólik soqtyǵysyp, 18 jastaǵy júrgizýshiniń qaza tapqanyn jazǵan bolatynbyz.

Sondaı-aq Oralda jansaqtaý bólimine túsken er adamnyń jaǵdaıy aýyr, ota jasaldy.

Bul er adam otadan keıin qaıtys boldy. Osy oqıǵa boıynsha QR QK 345-baby 3-bóligine sáıkes sotqa deıingi tergeý amaldary jalǵasyp jatyr.