Oralda jol apatynan 10 jasar bala qaza tapty
ORAL. QazAqparat – Oralda jol apatynan 10 jasar bala qaza tapty, dep habarlaıdy QazAqparat tilshisi.
BQO Polıtsııa departamentiniń resmı ókili Bolatbek Belgibekovtiń málim etkenindeı, oqıǵa 17 qarasha kúni saǵat 09.10 shamasynda Moskovskaıa kóshesinde boldy.
22 jastaǵy júrgizýshi qyz avtokóligimen 10 jasar balany qaǵyp ketken. Bala aýyr halde qalalyq kópbeıindi aýrýhanaǵa jetkizilgenimen, jansaqtaý bóliminde kóz jumdy.
Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde.
«Barlyq ata-analardyń balalaryna jol erejesin saqtaýdy eskertip otyrýy mańyzdy. Sondaı-aq júrgizýshiler de muqııat bolýy qajet. Qaıǵyly oqıǵaǵa oraı polıtsııa departamenti balanyń ata-anasy, jaqyndaryna kóńil aıtady», dedi B.Belgibekov.
Eske sala keteıik, budan buryn Oralda eki kólik soqtyǵysyp, júrgizýshi mert bolǵanyn jazǵan edik.
