Oralda jol apatynan oqıǵa ornynda eki adam qaza tapty

Oral qalasynda jol apatynan eki adam qaza tapty, dep habarlaıdy Kazinform. 

BQO polıtsııa departamentiniń baspasóz qyzmetinen málim etkendeı, oqıǵa 14 qarasha kúni keshkisin boldy.

«Saǵat 18.30-da aınalma jolda «Venoıl» janar-jaǵarmaı stansasynyń tusynda 1990 jylǵy júrgizýshi «Lada Largýs» avtokóliginiń rýline ıe bola almaı, qarsy betke shyǵyp ketken. Sóıtip 1988 jylǵy júrgizýshi aıdap kele jatqan «DAF» júk kóligimen betpe-bet túıisken. Saldarynan «Lada Largýs» avtokóliginiń júrgizýshisine qosa sonda otyrǵan 1987 jylǵy er adam oqıǵa ornynda kóz jumdy. Múrdeler sot-medıtsınalyq saraptamaǵa jiberildi. Tıisti saraptamalar taǵaıyndaldy. Qazirgi kezde QR QK 345-baby 4-bóligine sáıkes sotqa deıingi tergeý amaldary júrgizilýde», - dep habarlady vedomstvodan.

Eske sala keteıik, budan buryn Oralda 54 jastaǵy er adamnyń ólimine qatysty kúdikti ustalǵanyn jazǵan bolatynbyz.