Oralda joǵalyp ketken oqýshylar eki kúnnen keıin tabyldy

ORAL. QazAqparat – Oral qalasynda joǵalyp ketken eki jasóspirim eki kúnnen keıin tabyldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkendeı, ekeýi de - 17 jasta.

12 sáýir kúni shamamen saǵat 10.30-da zerde buzylystary bar balalarǵa arnalǵan oblystyq arnaıy keshen mektep-ınternat-kolledjinen belgisiz baǵytta shyǵyp ketken.

«Jasóspirimder oralmaǵannan keıin erekshe belgileri kórsetilip, izdeý salyndy. Eki oqýshy búgin tańmen aman-esen tabyldy. Qazirgi kezde oqıǵanyń jaı-japsary anyqtalý ústinde», dep habarlady vedomstvodan.

Eske sala keteıik, budan buryn Oralda túste joǵalyp ketken oqýshy qyzdyń túnde tabylǵanyn jazǵan bolatynbyz.