Oralda joǵalyp ketken qyzdyń múrdesi tabyldy
ORAL. QazAqparat - Oralda joǵalyp ketken qyzdyń múrdesi tabyldy, dep habarlaıdy QazAqparat tilshisi.
Oblystyq ishki ister departamentiniń baspasóz qyzmetinen túsken málimetke qaraǵanda, 1 qyrkúıek kúni tańǵy saǵat 07.40 shamasynda 1996 jylǵy G. esimdi qyzdyń joǵalyp ketkeni týraly habar túsken.
Búgin qyzdyń denesi Shaǵan ózeninen tabyldy. Marqumnyń denesinde zorlyq-zombylyq belgileri joq.
Qazirgi kezde osy oqıǵa boıynsha Oral qalalyq ishki ister basqarmasyna qarasty Abaı polıtsııa bólimi tergeý amaldaryn júrgizýde.
Oblystyq ishki ister departamenti bastyǵynyń birinshi orynbasary Asylǵalı Meńdiǵalınniń naqtylaýynsha, qyz habarsyz keterdiń aldynda óziniń júrgen jigitimen kelispeı qalǵan. Sosyn onyń nómirine óziniń alysqa ketip bara jatqanyn aıtyp, kishi inisine kóz bolýyn ótinip, sms-habarlama jibergen.
Aıta keteıik, G-nyń joǵalyp ketkeni týraly áleýmettik jeli arqyly da habarlanyp, izdeý salyndy.
