Oralda joǵalyp ketken er adam 12 kúnnen beri tabylmaı jatyr

ORAL. QazAqparat – Oralda joǵalyp ketken er adam 12 kúnnen beri taptyrmaı jatyr, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, 1992 jylǵy Nurhat Ermekqalı 18 naýryz kúni saǵat 18.00 shamasynda Derkól kentindegi Severnaıa 14-mekenjaıynan shyǵyp ketip, sodan úıine oralmaǵan.

«Nurhattyń boıy 170-175 sm, shashy qysqa qara. Ústine qoıý kók tústi kúrteshe, kók djınsı shalbar, sur kofta, aıaǵyna qońyrqaı aıaqkıim kıgen. Ol buryn da úıinen ketip júrgen, qolynda «Samsýng» markaly telefony boldy. Eger qandaı da bir aqparat bilgen adam bolsa, 102, 8-711-2-98-45-30 nómirine qońyraý shalý suralady», dep habarlady vedomstvodan.

Eske sala keteıik, budan buryn Oralda uzaq ýaqyt stýdentterdi aldaǵan alaıaqtyń ustalǵanyn jazǵan bolatynbyz.