Oralda joǵalyp ketken áıel aýyldan tabyldy
ORAL. QazAqparat – Oralda joǵalyp ketken áıel aýyldan tabyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, 39 jastaǵy Ásemgúl Jumaǵulova Jańaqala aýdany Qyzyloba aýylynda júrgen bolyp shyqty.
Polıtsııa qyzmetkerleri júrgizgen jedel izdestirý sharalary barysynda onyń telefon baılanysy Jańaqala aýdany aýmaǵynan shyqqany belgili boldy. Sodan keıin Jańaqala aýdany ýchaskelik polıtsııa ınspektorlarynyń kómegimen onyń júrgen jeri anyqtaldy.
Aýyldaǵy tanystaryna barǵan áıel úıine qaıtaryldy.
Eske sala keteıik, budan buryn Oralda iz-túzsiz ketken áıeldiń alty kúnnen beri tabylmaı jatqanyn jazǵan bolatynbyz.
