Oralda joǵalyp ketken 71 jastaǵy er adam eki kúnnen beri izdestirilip jatyr
ORAL. QazAqparat – Oralda joǵalyp ketken 71 jastaǵy er adam eki kúnnen beri izdestirilip jatyr, dep habarlaıdy QazAqparat tilshisi.
Týystarynyń habarlaýynsha, Ivan Kasatkın 13 qazan kúni saǵat 17.00-de «Aıgúl» shaǵynaýdanyndaǵy úıinen shyǵyp ketkennen oralmaǵan.
Aldyn ala boljam boıynsha Terekti aýdany Poıma aýylyna qaraı ketýi múmkin.
BQO polıtsııa departamentiniń baspasóz qyzmeti málim etkenindeı, týystary keshe keshkisin polıtsııaǵa aryz túsirgen.
Basynda aýytqýy bar er adam budan buryn da ketip qalyp, qaıtyp kelip júrgen.
Qazirgi tańda ony polıtsııa qyzmetkerleri de izdestirýde.
Eske sala keteıik, budan buryn Oralda joǵalyp ketken er adamnyń ormanda asýly kúıinde tabylǵanyn jazǵan bolatynbyz.
