Oralda joǵalyp ketken 65 jastaǵy er adamnyń denesi úsh kúnnen keıin tabyldy
ORAL. QazAqparat – Oralda joǵalyp ketken 65 jastaǵy er adamnyń denesi úsh kúnnen keıin tabyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkendeı, marqumnyń múrdesi 9 qyrkúıek kúni M.Sholohov kóshesi boıynan tabyldy.
Múrde sot-medıtsınalyq saraptamaǵa jiberildi. Denede zorlyq belgileri joq.
Er adam 6 qyrkúıek kúni joǵalyp ketip, týystary polıtsııaǵa shaǵym túsirip, izdeý salǵan edi.
Eske sala keteıik, budan buryn Temirtaýda joǵalyp ketken jasóspirim qyzdyń Batys Qazaqstannan tabylǵanyn jazǵan bolatynbyz.
