Oralda joǵalyp ketken 28 jasar qyz eki kúnnen beri izdestirilýde
ORAL. QazAqparat – Oralda joǵalyp ketken 28 jasar qyz eki kúnnen beri izdestirilýde, dep habarlaıdy QazAqparat tilshisi.
Áleýmettik jeli qoldanýshysy Rýslan Batyrov áleýmettik jelidegi paraqshasynda dosynyń qaryndasy, 1991 jylǵy Áıgerim Barkenqyzy Sharkóbenova-Uzaqovanyń joǵalyp ketkenin, kómek kerektigin habarlady.
Áıgerim 27 qyrkúıek kúni tańerteń Oral qalasy Gagarın kóshesindegi 2/2-úıden belgisiz jaqqa shyǵyp ketkennen oralmaǵan.
Ústine qara plaş, djınsy jáne qyzǵylt sporttyq kúrte kıgen, aıaǵynda qara etigi bar, kózildirik taǵady. Ózimen birge qara sómkesi men uıaly telefonyn ala ketken, azdaǵan aqshasy bar. Basqa qarjysy men tólqujatyn úıde qaldyrǵan.
Buryn mundaı jaǵdaıǵa tap bolmaǵan, Reseı azamatyna turmysqa shyqqan Áıgerim aýyldan oqýǵa kelgen.
Baılanys telefondary: 8-777-184-04-90, 8-701-666-29-01, 8-701-624-68-76.
Sondaı-aq kórgen jandar bolsa, 8-771-905-75-27 nemese 102 telefonyna habarlasýǵa bolady.
Іz-túzsiz ketkenderdi izdestirý jónindegi volonterlik qozǵalystyń Oral jáne Atbasar qalalary boıynsha úılestirýshisi Seda Kolaeva Áıgerimniń joǵalǵany jóninde polıtsııaǵa habar berilgenin jetkizdi. Áıgerimdi týma-týysqandarynyń ótinishimen eriktiler de izdestirýde.
