Oralda joǵalyp ketken 15 jastaǵy qyz aman-esen tabyldy
ORAL. QazAqparat – Oralda joǵalyp ketken 15 jastaǵy qyz aman-esen tabyldy, dep habarlaıdy QazAqparat tilshisi.
Budan buryn QazAqparat jazǵanyndaı, Qaraqat Arystanǵalıeva 5 mamyr kúni saǵat 22.00-de úıinen shyǵyp ketkennen oralmaǵan bolatyn.
BQO polıtsııa departamentiniń baspasóz qyzmeti málim etkenindeı, Qaraqat búgin túngi saǵat 01.00 shamasynda qurbysynyń úıinen tabyldy.
«15 jasar qyzdy Oral qalasy polıtsııa basqarmasynyń kámeletke tolmaǵandar isi jónindegi ınspektory tapty. Qazir jasóspirim óziniń úıinde. Onyń jeke basyna qatysty bolǵandyqtan, qalǵan málimet taratylmaıdy», dep habarlady vedomstvodan.
Eske sala keteıik, budan buryn Oralda joǵalyp ketken 15 jasar qyzdyń izdestirilip jatqanyn jazǵan bolatynbyz.
