Oralda joǵalyp ketken jigit qystaqta qoı baǵyp júrgen jerinen tabyldy

ORAL. KAZINFORM – Oral qalasynda joǵalyp ketken Almas Muqanov bir aıǵa jýyq ýaqyttan keıin aman-esen tabyldy.

Oral qalasynyń turǵyny, joǵalǵan jigittiń ápkesi Maral Qulbaraqovanyń aıtýynsha, ol inisin Syrym aýdany Sholaqańqaty aýyldyq okrýgindegi qystaqtan tapqan. 

«Іnim erekshe bala edi. Kóp sóılemeıdi, úndemeı qalady. Ony qalaı alyp ketkeni belgisiz. Sharýa qojalyǵynyń qoıyn baqtyryp qoıǵan. Saqaly ósip, azyp ketken, jeńil kıimmen júr eken. Polıtseıler izdemegen. Aýyldyń qarapaıym balasy habarlaǵannan keıin sol qystaqqa barsam, sodan tabyldy. Qalaǵa alyp keldim. Qazir Báıterek aýdany Kóshim aýylynda turatyn apa-jezdemniń qolynda», - dedi Kazinform tilshisine M.Qulbaraqova. 

BQO polıtsııa departamentiniń baspasóz qyzmeti jigittiń tabylýyna baılanysty aqparatty keıin beretinin jetkizdi. 

Eske sala keteıik, budan buryn Oralda jas jigittiń 21 kúnnen beri tabylmaı jatqanyn jazǵan bolatynbyz.