Oralda joǵalǵan taǵy bir bala aman-esen tabyldy
ORAL. QazAqparat - Oralda joǵalǵan 9 jasar Eskendir aman-esen tabyldy, dep habarlaıdy QazAqparat tilshisi.
Qaladaǵy №19 orta mektepte 3-synypta oqıtyn bala túske taman úıinen shyǵyp ketken.
Anasynyń sózine qaraǵanda, bala oǵan saǵat 12.28-de habarlasyp, mektepke baratynyn aıtqan. Sodan keıin onyń sómkesi «Qazaqstan» kınoteatrynyń mańynan tabylyp, ózi habarsyz ketken. Osydan soń týystary jáne polıtsııa qyzmetkerleri qara kúrte men sur baskıim kıip, sur sharf taqqan balany izdedi.
BQO polıtsııa departamentiniń baspasóz hatshysy Álııa Naýryzǵalıevanyń aıtýynsha, bala keshkisin, saǵat 19.00-den keıin tabyldy.
«Bala 6-shaǵynaýdandaǵy «Altyndar» dúkeninde júrgen. Oǵan deıin qaıda bolǵany ázirge belgisiz», dedi QazAqparat tilshisine Á.Naýryzǵalıeva.
Eske sala keteıik, budan buryn Oralda joǵalǵan on jasar balanyń aman-esen tabylǵanyn jazǵan bolatynbyz.
