Oralda joǵalǵan 5 jasar bala tabyldy
ORAL. QazAqparat - Oralda Ulttyq ulan jaýyngerleri ıisshil ıttiń kómegimen joǵalǵan bes jasar balany tapty, dep habarlaıdy QazAqparat tilshisi.
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, oqıǵa 31 qańtar kúni keshki saǵat 18.30 shamasynda boldy.
Oral qalasynyń turǵyny úı janynda oınap júrgen balasynyń joǵalyp ketkeni jóninde aıtyp, Ulttyq ulan jaýyngerlerinen kómek suraıdy. Sol boıda barlyq qyzmetterge habar beriledi.
Bul kezde quramynda serjant Eldar Jumageldın, qatardaǵy jaýyngerler Danııl Chelnakov, Aıbek Abdýlaev jánekınolog maman Salaýat ıAnsýfın bar top «Karmen» atty ıtpen bala joǵalǵan «Soltústik-shyǵys» shaǵyn aýdanynda júr edi. Týysqandary bergen balanyń kıimin kınolog ıtke ıisketip, izdeý jóninde tapsypma beredi. Aqyry izge túsken ıt Asan Taımanov atyndaǵy №34 mektep-gımnazııanyń aýlasyna alyp keledi. Sol jerde jaýyngerler jylap júrgen balany kórip, keıin ata-anasyna aman-esen tapsyrady.
