Oralda joǵalǵan 12 jasar bala aman-esen tabyldy
ORAL. QazAqparat - Oralda joǵalǵan 12 jasar bala aman-esen tabyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, 24 jeltoqsan kúni saǵat 19.30-da 2006 jylǵy Sanjar Sataevtyń anasy ulynyń joǵalyp ketkeni jóninde polıtsııaǵa júgingen.
Qaladaǵy №38 orta mekteptiń 6-synybynda oqıtyn Sanjar keshe shamamen 13.30-da sabaqtan keıin belgisiz baǵytta ketip qalǵan.
Atalǵan derek BQO polıtsııa departamentiniń barlyq jeke quramyna habarlandy.
«Búgin jasóspirim tabyldy. Qazir anasymen birge júr. Onyń nelikten joǵalǵany, túnde qaıda bolǵany anyqtalý ústinde», dedi QazAqparat tilshisine Polıtsııa departamentiniń baspasóz hatshysy Álııa Naýryzǵalıeva.
Eske sala keteıik, budan buryn joǵalǵan balanyń izdestirilip jatqanyn jazǵan bolatynbyz.
