Oralda jiti ishek ınfektsııalarymen aýyrǵandar sany 6 esege ósti
Oral qalasy sanıtarlyq-epıdemıologııalyq baqylaý basqarmasynan málim etkenindeı, jyl basynan beri barlyǵy 86 adam (ótken jyly osy merzimde - 13) syrqattansa, sonyń 48-i 14 jasqa deıingi balalar.
Ádette jaz mezgilinde ishek ınfektsııalaryna shaldyǵý jıilep, kóbine balalar aýyrady. Munyń negizgi sebebi - úı jaǵdaıynda tamaq ónimderin saqtaý jáne daıyndaý sharttarynyń buzylýy.
Іshek ınfektsııalaryn juqtyrý ádette las sý men taǵamdy tutynýmen baılanysty. Patogender adam aǵzasyna las qoldarmen enýi de múmkin. Sondyqtan jeke gıgıena erejelerin saqtaý qajet.
Basqarma málimetine qaraǵanda, jiti ishek ınfektsııasy lagerlerde demalyp jatqan balalar arasynda tirkelgen joq. Qala syrtyndaǵy barlyq 4 lager basqarma baqylaýynda.
«Sonymen qatar 13 shilde kúni oblystyq juqpaly aýrýlar aýrýhanasyna úsh jasóspirimniń jiti gastroenterokolıt dıagnozymen túskeni týraly shuǵyl habar jetti. Teksere kelgende, olardyń Oral qalasyna sporttyq jıynǵa kelgeni anyqtaldy. Úsheýi de qaladaǵy qonaqúı kesheninde bir nómirge ornalasqan. 12 shilde kúni jasóspirimder tanystarynyń biriniń týǵan kúnin atap ótken soń keshte 3-4 ret ishteri ótip, qusqan, dıspepsııalyq buzylýlar paıda bolǵan. Qazirgi tańda jasóspirimderdiń jaǵdaıy qanaǵattanarlyq. Atalmysh qonaqúı kesheninen dıspepsııalyq buzylýlar týraly basqa shaǵym túsken joq», dep habarlady vedomstvodan.
Eske sala keteıik, budan buryn Oralda qarbyzdan ýlandy degen kúdikpen taǵy úsh balanyń aýrýhanaǵa jetkizilgenin jazǵan bolatynbyz.
Sondaı-aq BQO-da sońǵy aptada koronavırýs juqtyrý kórsetkishi 72 paıyzǵa ósti.