Oralda jylý qubyrynyń jóndelýine baılanysty 11 mekeme ystyq sýdan ajyratyldy
ORAL. KAZINFORM – Oral qalasynda aldaǵy jylytý maýsymyna daıyndyq barysynda 4 tamyzdan bastap 15 qyrkúıekke deıin № 2 magıstraldyq qubyryn rekonstrýktsııalaý jumystary júrgiziledi.
«Jaıyqjylýqýat» AQ-dan málim etkenindeı, osyǵan baılanysty 11 áleýmettik nysan men 55 kópqabatty úıge búginnen bastap atalǵan merzimge ystyq sý berý toqtatyldy.
Atap aıtqanda, № 4, № 26 orta mektep, «Aıkýr» JShS, № 4 qalalyq emhana, № 43 «Órken», № 41 «Aq tilek», № 18 «Baldyrǵan», № 12 «Bulbul» balabaqshalary, oblystyq juqpaly aýrýlar aýrýhanasy, oblystyq psıhıkalyq densaýlyq ortalyǵy (5-korpýs) jáne Jastar mádenıet úıi ystyq sýdan ajyratyldy.
Sondaı-aq Ábilqaıyr han men Abaı dańǵyly, Verhnıı týpık, H.Esenjanov, M.Eslamǵalıuly, V.Zaharov, Ǵ.Qurmanǵalıev, S.Jaqsyǵulov, D.Karbyshev, Kókshetaý, Lokomotıvnaıa, Á.Marǵulan, B.Moldashev, Orynbor, Pavlodar, Partızan, Ýkraınskaıa, A.Orazbaeva, Shalqyma, L.Shevtsova, A.Chehov, Moldavskaıa, ıÝ.Gagarın kóshelerindegi 55 kópqabatty úı ýaqytsha ystyq sýsyz qaldy.
«Jaıyqjylýqýat» AQ bas dırektorynyń mindetin atqarýshy Bekbolat Qameshovtiń aıtýynsha, uzyndyǵy 3,97 km atalmysh magıstraldyq qubyrdy rekonstrýktsııalaýǵa 9,9 mlrd teńge qarastyrylǵan.
Eske sala keteıik, budan buryn Oral qalasynda 800-ge jýyq abonenttiń ystyq sýsyz qalǵanyn jazǵan bolatynbyz.