Oralda jylý elektr ortalyǵyn jóndeýge 11 mlrd teńge jumsaldy
Batys Qazaqstan oblysynyń ákimi Narıman Tóreǵalıev jylý elektr jelileriniń qys mezgiline daıyndyǵy týraly aıtyp berdi, dep habarlaıdy Kazinform.
«Oblysymyzda jylý-energetıka salasynda birqatar jumys atqarylyp jatyr. Jalpy somasy 11 mlrd teńge bıýdjet qarajaty esebinen Oral qalasynyń jylý elektr ortalyǵynnyń týrboagregat pen gradırnıany qaıta qurý jáne sý burý qondyrǵylaryn jańǵyrtý maqsatynda 2 káriz sorǵy stansasy rekonstrýktsııalanyp jatyr», — dedi N. Tóreǵalıev Astanada ortalyq kommýnıkatsııalar qyzmetinde.
Gradırnıa 2023 jyldyń mamyr aıynda iske qosyldy. Týrbına men 2 káriz sorǵy stantsııasy kelesi jyly paıdalanýǵa beriledi.
«Sonymen qatar, kommýnaldyq mekemelermen 2 energetıkalyq qazandyq, sý qyzdyrǵysh, týrbınalyq generator jáne 5,8 shaqyrym jylý jelisin jáne 4 shaqyrym sýmen jabdyqtaý men sý burý jelileri kúrdeli jóndeýden ótti. Oblystaǵy elektr jelileriniń tozýy — 82%. Aldaǵy qys mezgilinde apatty jaǵdaılardy azaıtý maqsatynda bıyl 2 myń shaqyrymnan astam elektr jelisi, 300-ge jýyq qosalqy stantsııa jóndeldi», — dep túsindirdi BQO ákimi.
