Oralda jeti shyrshanyń shamy jaǵyldy
ORAL. QazAqparat - Oral qalasyndaǵy jańa alańda bas shyrshanyń shamy jaǵyldy, dep habarlaıdy «QazAqparat» tilshisi.
Osyǵan oraı jınalǵan jurtshylyqty Oral qalasynyń ákimi Murat Muqaev quttyqtap, bıylǵy jyldyń shahar úshin jemisti bolǵanyn jetkizdi. Mysaly, 2017 jyly qala kóshelerinde jol salý men jóndeý jumystary aıryqsha qarqyn aldy. Kóp qabatty turǵyn úıler qalanyń kórkin keltirse, sonymen qatar aýlalar abattandyrylyp, balalar jáne sport alańdary salyndy. Qysqy kezeńde turǵyndar men jastardyń sportpen aınalysýy úshin muz aıdyndary jasaldy. Osyǵan oraı birlesip is tyndyrǵany úshin jurtshylyqqa alǵys aıtqan qala basshysy jańa jylda da Elbasy tapsyrmasyna sáıkes kóptegen joba-jumystar josparlanyp otyrǵanyn atap ótti.
Bas shyrsha janynda kontsert qoıylyp, halyq serýendep, bir jasap qaldy.
Jańa jyl kele jatqanyn bildirgenindeı, bul kúni japalaqtap qar da jaýdy.
Qalalyq mádenıet jáne tilderdi damytý bóliminiń basshysy Qýanyshbek Muhanǵalıevtiń aıtýynsha, 22 jeltoqsan kúni qalada barlyǵy jeti shyrshanyń shamy jaǵyldy. Jańajyldyq sharalardy ótkizýge bıyl 14,153 mln teńge (ótken jyly - 7,144 mln teńge) bólindi.
Aıta keteıik, 31 jeltoqsan kúni keshkisin bas shyrsha ornatylǵan jańa alańda jańajyldyq merekelik baǵdarlama qoıylyp, ol otshashýǵa ulasatyn bolady. Osyndaı shara Abaı atyndaǵy alańda jáne basqa jerlerde de uıymdastyrylady.
