Oralda jeti ret alaıaqtyq jasaǵan azamatsha ustaldy
ORAL. QazAqparat - Oralda ózine sengen adamdardy aldaǵan 1991 jylǵy A. esimdi azamatsha ustalyp, tergeý amaldary júrgizilýde.
BQO ishki ister departamentiniń baspasóz qyzmetinen Asylaı Ǵubashevanyń habarlaǵanyndaı, ol qaladaǵy bankterdiń birinde qyzmet jasaı júrip, alaıaqtyqpen aınalysqan. Atap aıtqanda, turmysy tómen, qarajatqa muqtaj jandarǵa kómektesemin dep ýáde berip, bankten qomaqty kólemde qarjy alǵyzyp otyrǵan. Birine 200 myń teńge, kelesisinen 500 myńǵa deıingi kólemde aqsha alǵyzǵan. Sodan keıin nesıeni ózim tóleımin dep, sonyń ornyna azdy-kópti qarjy usynǵan. Oral qalalyq ishki ister basqarmasy Abaı polıtsııa bólimi qyzmetkerleri júrgizgen jedel izdestirý sharalary barysynda atalǵan azamatshanyń osyndaı jeti qylmysqa barǵany anyqtaldy. Tergeý amaldary jalǵasyp jatqandyqtan, onyń jasaǵan alaıaqtyǵy budan kóp bolýy da ábden yqtımal.
Aıta keteıik, bıylǵy segiz aıda óńirde alaıaqtyq qylmysy boıynsha 576 derek tirkelse, sonyń 426-sy belgili bolyp otyr. ıAǵnı qylmystyń ashylý kórsetkishi - 74,5 paıyz.
Ókinishke qaraı, alaıaqtyqtyń túri kóp, bireýge qaryz berip, ony qaıtaryp ala almaı júrgen adamdar da az emes.
