Oralda jer qazý jumystary kezinde er adamnyń máıiti tabyldy
ORAL. QazAqparat - Oralda jer qazý jumystary kezinde kómilip qalǵan er adamnyń denesi tabyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 6 shilde kúni Zachagan kentinde bolǵan.
Zachagan baý-baqsha seriktestigi aýmaǵyndaǵy Saryarqa kóshesi 121-úıdiń janynan or (shuńqyr) qazý jumystary barysynda shamamen saǵat 17.30-da 1955 jylǵy azamattyń denesi tabyldy.
Qazirgi kezde atalǵan derek boıynsha Zachagan polıtsııa bólimi QR QK 104-baby 1-bóligine (abaısyzda qazaǵa ushyratý) sáıkes sotqa deıingi tergeý amaldaryn júrgizýde.
Sol mańda turatyn turǵyndardyń sózine qaraǵanda, er adam traktormen jer qazý jumystary kezinde abaısyzda shuńqyrǵa túsip ketip, sodan kómilip qalǵan. Ózi zeınetke shyqsa da, jumys jasap júrgen.
Marqum keshe jerlendi.
Eske sala keteıik, budan buryn BQO-da er adamnyń balyq aýlaımyn dep júrip sýǵa ketkenin jazǵan bolatynbyz.
