Oralda jer qazý jumystary kezinde adam súıekteri tabyldy
ORAL. QazAqparat – Oralda jer qazý jumystary kezinde adam súıekteri tabyldy, dep habarlaıdy QazAqparat tilshisi.
Qalaǵa qarasty Derkól aýylynda Belaıa kazarmadaǵy saıajaılardyń birinde salynyp jatqan garajda shuńqyr qazý sátinde adam súıekteri shyqqan.
Jer qazyp jatqan er adam súıek pen kóne qumyraǵa tap bolǵannan keıin oblystyq tarıh jáne arheologııa ortalyǵynyń ǵylymı qyzmetkeri ıAna Luqpanovaǵa habarlasqan. Sodan keıin ıAna Amangeldiqyzy qazba jumystaryna jetekshilik etti.
Atalmysh ortalyq dırektory Jantas Safýllınniń aıtýynsha, súıekpen qosa jerlengen jádigerlerge qarap munyń sarmattar kezeńine jatatyny anyqtaldy.
«Qazirgi kezde qazba jumystary aıaqtaldy. Ǵylymı qorytyndy aldaǵy ýaqytta aıtylatyn bolady», dedi QazAqparat tilshisine J.Safýllın.
