Oralda jeńil kólik avtobýspen soǵysyp, 3 adam aýrýhanaǵa jatqyzyldy

ORAL. KAZINFORM — Oral qalasynda Mazda kóliginiń júrgizýshisi jol qozǵalysy qaýipsizdigin qamtamasyz etpeı, № 52 baǵytta júretin avtobýspen soqtyǵysty.

BQO polıtsııa departamentiniń baspasóz qyzmetinen málim etkenindeı, oqıǵa 16 sáýir kúni Kaztalov pen Jambyl kósheleriniń qıylysynda boldy.

Jol apatynan jeńil kóliktiń júrgizýshisi men avtobýstyń eki jolaýshysy jaraqat aldy.

Qazirgi kezde oqıǵanyń jaı-japsary anyqtalý ústinde.

BQO densaýlyq saqtaý basqarmasy baspasóz qyzmetiniń naqtylaýynsha, jedel járdem oqıǵa ornyna saǵat 10.15-te jetken.

- Oqıǵa saldarynan 1981 jylǵy júrgizýshi ashyq bas-mı jaraqatyn alyp, onyń mıy shaıqalǵan. Sonymen qatar er adam kóptegen synyq jaraqattaryn alǵan. Sondaı-aq 1950 jáne 1964 jylǵy áıel adamdardyń jabyq bas-mı jaraqatyna qosa mıy shaıqalǵan. Oǵan qosa deneleri kógergen. Barlyǵy da oblystyq kópbeıindi aýrýhananyń hırýrgııa bólimine jatqyzyldy, - dep habarlady vedomstvodan.

Eske sala keteıik, budan buryn Batys Qazaqstanda avtokóliktiń júk poıyzymen soqtyǵysqanyn jazǵan bolatynbyz.