Oralda Jeńis kúnine oraı maıdangerlerge 1,5 mln teńgeden beriledi
Oral qalasy ákiminiń baspasóz qyzmetinen málim etkenindeı, qazirgi tańda oblys ortalyǵynda Ekinshi dúnıejúzilik soǵysqa qatysqan 13 ardager turady.
Olardyń árqaısysyna 1,5 mln teńgeden tıedi.
«Sonymen qatar maıdangerlerden bólek, 15 sanat boıynsha bir jolǵy tólemaqy beriledi. Olardyń arasynda tyl eńbekkerleri, Ekinshi dúnıejúzilik soǵys kezinde qyzmet atqarǵan áskerı qyzmetshiler, Lenıngrad qorshaýda bolǵanda jumys istegen azamattar, kontslagerlerdiń kámeletke tolmaǵan tutqyndary, jaralanýy saldarynan múgedek bolǵan áskerı qyzmetshiler, Chernobyl, Aýǵanstan, Taýly Qarabaq qaqtyǵystarynyń qatysýshylary bar. Jalpy, Oral qalasynda Jeńis kúnine oraı barlyǵy 2808 adamǵa 175 mln teńge kóleminde tólemaqy bólindi» dep habarlady vedomstvodan.
Eske sala keteıik, eki jyl buryn Jeńis kúni Batys Qazaqstanda maıdangerlerge 1 mln teńgeden berilgen edi.
